ما انت داري

[آة يا زمن]

بسم الله الرحمن الرحيم



سلام الله على الدنيا على الانسان

آه منّك
ما انت داري
إن ذلّي و انكساري ... في عيونك
وان قلبي ... يرفض الدنيا بدونك
وما انت داري
إن كل اللي كتبته .. فيك وحدك
وان قلبي .. ما سكنه انسان .. بعدك
إنك انت الحب .. وحدك
آه منك!!!
كل ما انوي أحنّ لك...
والله أحنّ لك ... آه منّك
كل هذا الشوق فيني... وما انت داري
إنك اللي من سكن بين الحنايا
وانك اللي لا يزال يسوّي بقلبي السوايا
وإنك الي أعشقه رغم الخطايا
آه منّك
تدري إن الكون كله ... ما يساوي شي وانت غايب؟
و إن قلبي فيك ذايب؟
وإنك انت أغلى من كل الحبايب؟
كل هذا و ما انت داري؟!
ولا داري
سوّي نفسك ما انت داري..
بس أحبّك...
إيه أحبك....
والله أحبك....
يعني داري ولا مو داري... بكيفك..
بعيش ف بردك.... و صيفك
وارمي قلبي .. فوق سيفك
وانت ... كيفك..
يا تبادلني الشعور...
يا تخلّينا بنفس الدايرة ... ندور
ولا احدٍ يشكي جراحه
أو نحسّ بأيّ راحه...
بس ......
لو تبي الصراحه
أموت فيك حيل
وانت داري
إن ذلي و انكساري.... في عيونك
و إن قلبي يرفض الدنيا بدونك
و
آآآآآآآآآآآآآآآآآآآآآآآآآآآآآآآآآآآآآآآآآآه منّك