ܓܨزحـــــفـــــوٍلــــيܓܨ
12-23-2009, 09:20 AM
الشاعر كان يحب بنت عمه ويموت فيها ،، وكان أبوها معطيه كلمة أنها بتكون له ،، ولكن توفي أبوها قبل ما يخطبها ..وبعد فترة تقدم الشاعر لخطبة البنت ولكن اخوانها رفضوا ..وبعد فترة تقدم مرة ثانية ورفضوه ..وتقدم مرة ثالثة ورفضوه بعد ....الرجال ضاقت به الدنيا وطلب نقل من عمله لديرة بعيدة عن ديرته علشان ينسى الموضوع لأنه ما تحمل رفضهم له ..ووافقوا على نقله وجلس ثمان سنين في ذيك الديرة ومع الأيام بدا ينسى حبيبته ..ورجع بعد ثمان سنين لديرته وشاف رفيقه ..سلم عليه وعزمه رفيقه على فنجال قهوه .. وكان عند البيت عيال صغار يلعبون كورة بالساحة ..
الرجال استملح أحد العيال وناداه
قال له الرجل هذا ولدي
سلم عليه الشاعر وقربه من عنده ..شم ريحة العطر ..وملامح الوجه وضمه لصدره بقوة وقال لرفيقه هذا أمه فلانه ((يقصد حبيبته))
قال الرجل بعد ما تفاجأ وشلون عرف أمه : ايه أمه فلانه بس وشلون عرفت
تفاجأ الشاعر بزواجها وقال القصة وبكى ومشى
حاول الرجال انه يهديه وطلب منه أنه يروح معه للبيت ولكن الشاعر رفض وأرسل هذي القصيدة بعد مدة
راحت ثمان سنين حل وترحال=راحت ثمان سنين كلها مدلهمه
قضيتها بالحب والشوق رحال=بشوقٍ تحدى كل ياسه وهمه
سألت عنها سنين وشهور وليال=ولا فيه فج ٍ غير وجهت يمه
وعقب الثمان اللي تعبها برا الحال= جاب الزمان الكارثة والمطمه
جاني ولدها مبتسم بين الأطفال= ومن بسمته ذكرت أنا بسمة أمه
شفته وصاحت داخلي كل الآمال=بصوتٍ عجزت بكتم الأنفاس لمه
وركضت له دمعي على الخد همّال=ومن كثر شوقي قمت بالحيل أضمه
ولحظة حضنته والطفل في يدي مال=شميت ريحتها على أطراف كمه
واستلهمت نفسي مقاديم الأهوال=وتم الضياع وأكدت لي متمة
ليت الغياب اللي شغل غربتي طال=ولا دور العاشق على حرق دمه
واليوم بنت الناس في بيت رجال=حبٍ على غير الشرف لي مذمة
مجبور أعود وأشتكي كل الأميال= بنفس ٍ حزينة كائبه مستهمه
أرجع غريبٍ مسكنه بر ورمال=يموت ..يحيى.. يندفن..ما يهمه
الرجال استملح أحد العيال وناداه
قال له الرجل هذا ولدي
سلم عليه الشاعر وقربه من عنده ..شم ريحة العطر ..وملامح الوجه وضمه لصدره بقوة وقال لرفيقه هذا أمه فلانه ((يقصد حبيبته))
قال الرجل بعد ما تفاجأ وشلون عرف أمه : ايه أمه فلانه بس وشلون عرفت
تفاجأ الشاعر بزواجها وقال القصة وبكى ومشى
حاول الرجال انه يهديه وطلب منه أنه يروح معه للبيت ولكن الشاعر رفض وأرسل هذي القصيدة بعد مدة
راحت ثمان سنين حل وترحال=راحت ثمان سنين كلها مدلهمه
قضيتها بالحب والشوق رحال=بشوقٍ تحدى كل ياسه وهمه
سألت عنها سنين وشهور وليال=ولا فيه فج ٍ غير وجهت يمه
وعقب الثمان اللي تعبها برا الحال= جاب الزمان الكارثة والمطمه
جاني ولدها مبتسم بين الأطفال= ومن بسمته ذكرت أنا بسمة أمه
شفته وصاحت داخلي كل الآمال=بصوتٍ عجزت بكتم الأنفاس لمه
وركضت له دمعي على الخد همّال=ومن كثر شوقي قمت بالحيل أضمه
ولحظة حضنته والطفل في يدي مال=شميت ريحتها على أطراف كمه
واستلهمت نفسي مقاديم الأهوال=وتم الضياع وأكدت لي متمة
ليت الغياب اللي شغل غربتي طال=ولا دور العاشق على حرق دمه
واليوم بنت الناس في بيت رجال=حبٍ على غير الشرف لي مذمة
مجبور أعود وأشتكي كل الأميال= بنفس ٍ حزينة كائبه مستهمه
أرجع غريبٍ مسكنه بر ورمال=يموت ..يحيى.. يندفن..ما يهمه